کیا آپ اپنے بچوں کیلیئے پرائمری، ثانوی و اعلیٰ ثانوی تعلیمی وظائف حاصل کرنا چاہتے ہیں؟
2022 احساس تعلیمی وظائف
:پروگرام کے بارے میں جانیئے
احساس تعلیمی وظائف ملک میں تعلیم کے فروغ کے لیئے بچوں کی پرائمری، ثانوی واعلیٰ ثانوی تعلیم سے مشروط کیش ٹرانسفر پروگرام ہے جس میں مندرج ہونے پر بچوں اور بچیوں کو سہ ماہی وظائف جاری ہوتے ہیں۔
پروگرام کو بدعنوانی سے پاک رکھنے کی غرض سے احساس تعلیمی وظائف کے نظام کو اول تا آخر ڈیجیٹل بنایا گیا ہے۔
بمطابق احساس پالیسی، لڑکیوں کیلیئے وظائف کی رقم کا تناسب لڑکوں کی نسبت زیادہ رکھا گیا ہے۔
| احساس تعلیمی وظائف | لڑکوں کیلیئے مختص سہ ماہی وظائف کی رقوم | لڑکیوں کیلیئے مختص سہ ماہی وظائف کی رقوم |
| پرائمری تعلیمی وظائف(کچی تا پانچویں جماعتوں کیلیئے) | ڈیڑھ ہزار روپے | دوہزار روپے |
| ثانوی تعلیی وظائف(چھٹی تا دسویں جماعتوں کیلیئے) | ڈھائی ہزار روپے | تین ہزار روپے |
| اعلیٰ ثانوی تعلیمی وظائف(گیارہویں تا بارہویں جماعتوں کیلیئے) | ساڑھےتین ہزار روپے | چار ہزار روپے |
پروگرام میں تعلیمی وظائف پر مبنی مراعات لڑکیوں کیلیئے زیادہ رکھی گئی ہیں تاکہ والدین اپنے بچوں ، خاص طور پر لڑکیوں کو سکول و کالج بھیجیں۔
لڑکیوں کو پرائمری تعلیم مکمل کرنے کی ترغیب دینے کیلئے احساس نے تین ہزار روپے کا یک وقتی گریجویشن بونس بھی متعارف کر و ایا ہے ۔ یہ بونس احساس کے اہل خاندانوں سے تعلق رکھنے والی طالبات کو پانچویں جماعت پاس کرنے پر دیا جا رہا ہے۔
تحقیق سے پتہ چلتا ہے کہ اسکول چھوڑنے کی شرح عمر کے ساتھ بڑھتی ہے ، خاص طور پر اسکول دور ہونے اور دیگر متعلقہ اخراجات کی وجہ سے پانچویں سے آٹھویں جماعت میں لڑکیاں سکول چھوڑ جاتی ہیں۔ گریجویشن بونس لڑکیوں کی حوصلہ افزائی کے لیے دیا جا رہا ہے تاکہ لڑکیاں پرائمری تعلیم کے بعد ثانوی تعلیم بھی جاری رکھیں۔
:اہلیت کا معیار جانیئے
وہ گھرانے جو احساس سروے کے ذریعے احساس کفالت میں اہل ٹھہرائے گئے ہیں، ان کے 4 تا 22 سال کی عمرکے بچے جوکچی تا بارہویں جماعتوں میں زیرتعلیم ہیں، وہ تعلیمی وظائف میں مندرج ہوسکتے ہیں۔
پروگرام میں سرکاری سکولوں و کالجوں کے ساتھ ساتھ ایجوکیشن ڈیپارٹمنٹ سے منظورشدہ پرائیویٹ سکولوں و کالجوں کے بچے بھی شامل ہو سکتے ہیں۔
اہل طلباء و طالبات کے سہ ماہی وظائف کی ادائیگی سکول یا کالج میں ان کی 70فیصد حاضری سے مشروط ہے۔
وظائف کی ا دائیگی بچوں کی ماؤں کو انگوٹھوں کے نشانات کی تصدیق پر مبنی احساس کے ڈیجیٹل ادائیگی نظام کے ذریعے کی جاتی ہے۔
:پروگرام میں شامل ہونے کا طریقۂ کار
وہ اہل خواتین جو احساس کفالت کی رقم وصول کرنے کے بعد کفالت میں باضابطہ طور پر شامل ہو چکی ہیں وہ اپنے بچوں کو پروگرام میں رجسٹر کرواسکتی ہیں۔رجسٹریشن سارا سال جاری ہے۔
اندراج کے لیئے بچے کا ‘ب فارم’/شناختی کارڈ اور سکول/کالج ہیڈماسٹر سے باقاعدہ تصدیق شدہ داخلے کی رسید ضروری ہیں ۔
اہل گھرانے اپنے بچوں کا اندراج احساس تعلیمی وظائف ایپ کے ذریعے خود کروا سکتے ہیںاپنے فون پر ایپ ڈاؤن لوڈ کرنے کیلیئے اس لنک پر جائیں۔
اس کے علاوہ اہل گھرانے رجسٹریشن کیلیئے بچوں کے ہمراہ اپنے ضلع میں قریبی احساس دفاتر سے بھی رجوع کرسکتے ہیں۔ احساس تحصیل دفاترکے پتے اس لنک پر تلاش کریں۔
:احساس تحصیل دفاتر
:احساس تعلیمی وظائف ایپ
:پروگرام میں شامل اضلاع
احساس تعلیمی وظائف کے دائراء کارمیں ملک کے تمام 160اضلاع شامل ہیں
:رابطہ کریں
0800-26477
SEE MORE JOBS HERE…..